Татарстан укытучылары арасында январь – февраль айларында кышкы спорт төрләре буенча ярышлар узачак. Укытучылар хәзер педагогик осталыкта гына түгел, ә спорт төрләрендә дә көч сынашаклар. Шул хакта фәрманга  ТР фән һәм мәгариф министры Энгель Фәттахов 2013 елның 15 нче январенда  кул куйды инде. Мәгариф өлкәсендә эшләүчеләр арасында уздырылучы кышкы Спартакиаданың төп максаты – сәламәт яшәү рәвешен популярлаштыру һәм иң яхшы укытучы-спортчыларны финал сынаулары өчен ачыклау. Педагоглар чаңгы узышы, шорт-треке (тимераякта узышу), өстәл теннисы, турникта тартылу, идәннән этелү, дартсе (мишеньга ук-дротиклар ату), шахмат һәм аркан тартышу төрләре буенча көч сынашачаклар. Спартакиада ике этапта узачак – муниципаль һәм республика дәрәҗәсендә. Җыелма муниципаль район командалары арасында  финал ярышлары 21 февральдә үтәчәк. Җиңүчеләрне бүләкләү һәр спорт төре буенча булачак, шулай ук командалар арасында да беренче, икенче, өченче урыннар билгеләнәчәк. Җиңүче һәм призлы урыннарны яулаган командаларга кыйммәтле бүләкләр тапшырылачак.