15 нче февраль көнендә “Салават күпере” исемендәге балалар оешмасында “Батырлыкка юл еракмы?” дип исемләнгән сбор үтте. Варислар яшь геройлар, әфганчылар, Муса Җәлилне искә алырга дип җыйналдылар.
Отряд командирлары сборга әзерлек буенча рапорт биргәннән соң “Кояшкай” исемендәге отряд варислары яшь геройлар турында сөйләделәр, аларның портретларын күрсәттеләр.“Смайлики” отряды варислары әфган сугышы, шул сугышта катнашкан авылдашларыбыз турында мәгълүмат бирделәр.“Гөлләр” отряды варислары Муса Җәлилнең тормыш юлы, иҗаты буенча викторина үткәрделәр. Муса Җәлил сүзләренә язылган җырлар җырладылар, шигырьләрен сәнгатьле итеп сөйләделәр. Педагог-организатор Шакирова З. Н. варисларга тырышып әзерләнгәннәре өчен рәхмәт әйтте. “Батырлык” аенда эшләнгән кайбер эшләр буенча йомгак ясалды, актив варисларга рәхмәт белдерелде.