«Хезмәт һәм сакка әзер» (ГТО) исемле программа комплексы халыкның сәламәтлеген ныгыту һәм халыкны физик яктан үстерүгә юнәлдерелгән. Программада илнең 10 яшьтән алып 60 яшькә кадәр булган гражданнары катнаша ала. Һәр яшь төркеме өчен нәкъ менә аларга туры килә торган таләпләр һәм физик әзерлек нормалары билгеләнгән. Чабу, озынлыкка һәм биеклеккә сикерү, йөзү, туп ату, чаңгы ярышлары, турникта тартылу, мылтыктан ату, велокросс, туристлар походы һәм башка шуның ише күнегүләрне тапшырырга кирәк. Нормативларны тапшыручылар махсус значоклар – алтын һәм көмеш ГТО тамгалары белән бүләкләнә. 

2016 нчы елда ГТО нормаларын яхшы тапшырган укучылар значоклар белән бүләкләнделәр. Халимов И. (7 класс) алтын значокка ия булды.