Бантиклар көнендә малайлар да бантиктан иделәр. Конкурста "Молния" отряды җиңү яулады.

Бүген әкиятләр иленә сәяхәт кылдык, төрле әкияти персонажларга әверелдек, театр куйдык, әкият геройлары сурәтләнгән рәсемнәрне буядык.

Бүген Яр Чаллы шәһәренең Җиңү мәйданында урнашкан карусельгә бардык. Төрле аттракционнарда булдык. Көн күңелле узды.

 12 июнь – Россия көне. Әлеге көн уңаеннан  бездә бүген төрле чаралар үткәрелде: викторина, кроссвордлар чишү, рәсем ясау, мәгълүмати презентация карау.

Бүген лагерьда "Супер малай" конкурсы булды. Конкурста барлык малайлар да катнаштылар. Шәмсетдинов Илназ "Супер малай" исеменә лаек булды.

Бүген "Акчарлак" ял лагере балалары Кама буена балыкка төштеләр. "Иң күп балык тотучы", "Иң зур балык тотучы", "Комнан иң матур йорт төзүче ", "Иң матур кабырчык табучы" номинацияләре буенча ярыштылар.

Балалар Шүрәлеләр һәм Убырлылар парадына киенеп килгәннәр. Үзләренең сәләтләрен төрле яклап сынап карадылар.

Лагеребызда "Мунча ярышлары" булып узды. Командалар үзләрен төрле уеннарда сынадылар. "Смайлики" командасы беренчелекне алды.

А.С.Пушкин - бөек шагыйрь. Аның туган көнен рус теле көне итеп, зурлап үткәрәләр. Шул максаттан, лагерьда А.С.Пушкин әкиятләренә багышланган викторина, рәсем конкурсы, шигырь сөйләүчеләр бәйгесе үткәрелде, тормыш юлы һәм иҗаты турында презентация каралды.

Бүген бездә "Оста куллар" көне. Кәгазьдән төрле фигуралар ясадык.