Бәйрәмдә .балалар шигырь сөйләделәр. Бәйрәмнең хуҗасы Нәүрүзбикә килеп керде. Ул матур теләкләр әйтеп килгән кунакларны котлады. . Нәүрүзбикә белән Кыш бабай көч сынаштылар. Чөнки Кыш бабабызның үзенең урынын Нәүрүз кызына бирәсе килми иде. Алар җитезлек буенча көч сынашырга булдылар: кашыкка йомырка салып йөгерделәр, көчләрен үзара аркан тартып сынадылар. Ә инде бу ярышларда җиңелгән Кыш бабай тагын бер шарт куйды. Дәртле татар халык биюен кем озак итеп егылмыйча бии, шул җиңүче була. Әлбәттә инде яшь, чибәр Нәүрүз кызы Кыш бабайны бу ярышта да җиңеп чыкты. Кыш бабай матур теләкләрен әйтеп китеп барды. Ә без бәйрәмне күңелле ярыш-уеннар белән дәвам иттек..Балаларны  өстәл янында кайнар чәй, тәмле коймак,  казанда пешкән ботка көтә иде. Өстәл янына балаларның уеннарын күзәтеп торган өлкән апаларыбыз да утырдылар. Бәйрәм һәрберебезнең күңелендә сакланып калырлык булгандыр.