Тәтеш кадет-интернат мәктәбе китапханәсендә Туган телләр һәм Халык бердәмлеге елына багышланган китап күргәзмәсе оештырылды. Күргәзмә Татарстан халыклары бәйрәмнәренә, халыклар мәдәниятенә һәм аларның үзенчәлекләренә багышланган. 17 март көнне мәктәп китапханәчесе Е.В.Журина һәм туган тел укытучысы Н.Р. Сиякина белән берлектә «Татарстан Республикасы халыкларының милли бәйрәмнәре» дип исемләнгән китапханә дәресе үткәрелде. Дәрестә казармада яшәүче 5,6 сыйныф кадетлары катнашты. Мәктәп китапханәчесе Е.В.Журинаның «Каравон», «Уяв» кебек бәйрәмнәр турында сөйләгәненнән бик күп кызыклы мәгълүмат алдылар.

Бу дәрес вакытында туган тел укытучысы Н.Р.Сиякина тарафыннан «Халкым бәйрәме» дип исемләнгән викторина үткәрелде. Дәрес ахырында 21 мартта билгеләп үтелүче «Нәүрүз» милли бәйрәме турында видеоролик күрсәтелде.