Тәтеш кадет –интернат мәктәбендә Туган тел һәм халыклар бердәмлеге елына багышланган чаралар үткәрү дәвам итә. Бүген 5 сыйныф кадетлары белән әдәбият дәресе булып узды. Нәфисә Равил кызы аны уен рәвешендә алып барды. Укучылар татар, рус, мордва, чуваш милли баш киемнәре турында күп мәгълүмат алып кына калмыйча, аларны киеп тә карый алдылар. Туган телләрендә шигырьләр укыдылар һәм бергәләп татар халык уеннары уйнадылар. Кадетларга аеруча “Түбәтәй” һәм “Йөзек салыш” кебек музыкаль уеннар бик ошады.

Мәктәпнең эш планы буенча мондый дәресләр тагын үткәреләчәк һәм анда кадетларны башка миллләт халыкларының милли киемнәре һәм уеннары белән таныштыру каралаган.