Июль аеның кояшлы һәм җил көннәренең берсендә «Әкият» балалар бакчасы территориясе чын иҗади гаилә бәйрәме аренасына әверелде. Балалар бакчасында «Уйлап тап. Яса. Алып кил. " балалар транспорты парады узды.   Конкурста балалар транспортын - велосипед, самокатлар, коляскалар һәм башка техниканы бизәгән балалар катнашты. Әти- әниләр һәм кечкенә ярдәмчеләр транспортны бизәүгә бик җитди алындылар һәм үз куллары белән могҗизалар ясадылар. Балалар бакчасына   каретада принцесса, океанының киңлекләрен тырмалаучы «Данил Великий» корабы, матур күбәләкләр, «Болыт» принцессасы, шәфкать туташы, ЮХИДИ хезмәткәрләре, яшь тракторчы һәм хәтта үз куышы белән тиен, тылсымлы фея, ромашка,  балыкчы һ.б.ш килделәр.... Ата-аналар балалар өчен гадәти булмаган хәрәкәт итү чарасы ясау белән гаилә әгъзаларының берсе генә түгел, ә барысы бергә шөгыльләнде, дип сөйләделәр. Уртак сәнгать әсәрләре булдыру һәм парадта катнашу гаиләләрне  тагын да берләштерде, истәлекле мизгелләр бүләк итте.Балалар бакчасында узган чара өлкәннәргә бала транспортының нинди матур итеп бизәлүенә карамастан, юл йөрү кагыйдәләрен һәрвакыт истә тотарга кирәклеген искә төшерде.Чараның икенче өлешендә «Юл патруле» ЮХИЯЯ   отряды балалар транспортында куркынычсызлык мәсьәләләре турында сөйләде. Балалар җәяүлеләр кичү юлы буенча транспорт чарасында хәрәкәт тыелганлыгын искә төшерделәр.  Бәйрәмгә җәяү йөрү аркылы самокатта авариягә эләгә язган Шапокляк килде.  Юл хәрәкәте инспекторының яшь ярдәмчеләре балаларга һәм геройга «җәяүле юл аркылы чыгу алдыннан транспорттан төшү һәм юл аркылы чыгу»дигән чакыру белән мөрәҗәгать иттеләр. Аннан соң " Тукта! Велосипедтан төш" дигән акциясе узды. Ата-аналар җәяүлеләр кичүе башланган җирдә трафарет һәм флуоресцент буяу ярдәмендә " Тукта! Велосипедтан төш" сүзен яздылар. Аннары ата-аналар балалары белән бергә чарага килүчеләргә юл йөрү кагыйдәләрен бозмыйча, велосипед белән юлны ничек үтәргә кирәклеген  күрсәттеләр.Бәйрәмдә Тәтеш районы буенча Россия Эчке эшләр министрлыгының ЮХИДИ бүлеге начальнигы вазыйфаларын башкаручы Сергудаева Анна Вячеславовна, «Юл хәрәкәте иминлеге " ДБУ Казан шәһәре территориаль идарәсенең профилактика бүлеге башлыгы һәм Гарипов Илмир Илсур улы катнашты. Алар парадта катнашучыларны грамоталар һәм  бүләкләр белән бүләкләделәр. Ә барлык балаларга юлда  йөрү кагыйдәләре турында китаплар бүләк иттеләр. Бәйрәм кунаклары матур чарада катнашкан тәрбияләнүчеләрнең гаиләләренә зур рәхмәтләрен белдерделәр һәм барлык катнашучыларга да һәрвакыт юлда йөрү кагыйдәләрен  төгәл үтәргә тәкъдим иттеләр.