24-28 июль көннәрендә "Әкият» балалар бакчасында" Чәчәкләр –Җирнең тере матурлыгы» атналыгы узды. Бу атнада бик күп кызыклы һәм төрле чаралар узды. Балалар чәчәкләр турында шигырьләр сөйләделәр, кызыклы табышмаклар чиштеләр, иллюстрацияләр һәм открыткалар карадылар, кәгазьдән чәчәкләр кистеләр һәм аларны  акбур белән асфальтта ясадылар, шулай ук су сиптеләр, чүп үләннәрен җыештырдылар һәм  төркем түтәлләоендәге чәчәкләргә карап сокландылар; чәчәкләрнең охшашлыгын һәм аермасын табарга өйрәнделәр, шулай ук табигатьнең гүзәл иҗат җимешләрен сакларга, аларның матурлыгына сокланырга өйрәнделәр. Өлкән төркем (2) балалары шәһәрнең көньяк микрорайонында яңа белемнәр эзләргә киттеләр, ә өлкән төркем балалары чәчәк кибетендә экскурсиядә  булдылар.Атна ахырында кече һәм олы яшьтәге балалар өчен бәйрәм үткәрелде. Билгеле булганча, бәйрәмнәрне өлкәннәр дә, балалар да ярата. Тормышыбызга нинди генә бәйрәм килсә дә, аны гел чәчәкләр озата. Шундый матурлыкны яратмаска мөмкин түгел! Чәчәкләр йортларны, урамнарны, паркларны һәм бакчаларны бизәүдә иң мөһиме. Безнең балалар бакчасында "Чәчәк бәйрәме” бик күңелле үтте .Тәрбиячеләр балалар белән табышмаклар чиштеләр, чәчәкләр дөньясының матурлыгы белән таныштылар , үсемлекләрнең кеше һәм әйләнә-тирә мохит өчен әһәмияте турында сөйләштеләр. Музыка астында «Чәчәк җый», «Чәчәк түтәле», “ Бер , ике, өч – чәчәккә йөгер" хәрәкәтле уеннары уйнадылар, бергәләп күңел ачтылар Чәчәкләр атналыгы һәркем күңелендә  якты тәэсир калдырды, барысы да бик күп уңай эмоцияләр,  яхшы кәеф һәм күтәренкелеге алды.