Тәтеш шәһәренең «Әкият " катнаш төрдәге балалар бакчасында мәктәпкә әзерлек төркеме балалары арасында юл хәрәкәте кагыйдәләрен үтәүгә багышланган «Яшь шымчылар» квест-уены узды. Чара башында балаларга Тәтеш районы буенча Россия Эчке эшләр министрлыгының ЮХИДИ бүлегенең юл хәрәкәте куркынычсызлыгын пропагандалау  инспекторы Волков Сергей Валерьевич мөрәҗәгать итте. Ул балаларга үзенең хезмәте турында сөйләде һәм эшендә кирәкле югалган предметларны  табарга булышуларын соралды.  Сергей Валерьевич ярдәмгә шымчыны да чакырды. Балалар биш тукталышта интерактив уен уйнадылар, фликерлар ясадылар, юл йөрү билгеләрен җыйдылар, мультфильмнар карадылар һәм «тыкырыкта» уен ситуациясен модельләштерделәр. Заманча һәм мавыктыргыч формада балалар шәһәр урамнарында куркынычсызлык кагыйдәләрен кабатладылар. Квест-уенда катнашып, балалар игътибарлылык, зирәклек һәм талант күрсәттеләр. Маршрут ахырында балаларга барлык пазлларны җыярга һәм инспекторның югалган предметын: фуражка, сыбызгы, жезл, юл билгесе, машина табарга кирәк иде. Квест-уенда катнашучыларның барысына да юл йөрү кагыйдәләре турында китаплар тапшырылды. Уен бик бай эчтәлекле килеп чыкты, барлык катнашучылар да бик күп уңай эмоцияләр алдылар.