"Батарейканы тапшыр – Җирнең сәламәтлеген сакла.""Әкият" катнаш төрдәге балалар бакчасында "Батарейканы тапшыр – Җирнең сәламәтлеген сакла" акциясе бара. Батарейка  калдыклары зыяны буенча беренче куркыныч классына карый. Аларны гадәти чүп-чар кебек утильләштерергә ярамый. Билгеле булганча, ташландык батарейкалар туфракка һәм һавага эләккән очракта, аларны агулый торган диоксиннар аерып чыгара. Кулланылган батарейкаларны куркынычсыз утильләштерү өчен махсус контейнерга урнаштырылырга тиеш. Балалар һәм ата-аналар акциядә зур энтузиазм белән катнаштылар һәм ике атна эчендә ун литрлы ике контейнер кулланылган батарейкалар җыйдылар.Зурлар төркеме (2) балалары Көньяк микрорайонда яшәүчеләр белән акция уздырдылар, батарейкаларны дөрес утильләштерү турында белдерүләр элделәр һәм подъездларда файдаланылган батарейкалар өчен контейнерлар урнаштырдылар.Халыкны әйләнә-тирәгә сак карашка тарту максаты белән  балалар ата-аналар белән берлектә үзләре яшәгән йортларда да акция уздырырга карар кылдылар. Без бергә планетабызны чистарак итә алабыз!