Бүген, 3 декабрь көнне, «Миләшкәй» балалар бакчасы, мөхтәрәм кунакларны, Рима Гомәр кызы Сафиуллова  җитәкчелегендәге Тәтеш районы «Ак калфак» хатын - кызлары иҗтимагый оешмасы вәкилләрен кабул итте. Балалар, тәрбиячеләр һәм ата-аналар кунакларны ике телдә сәламләделәр. Әлеге очрашуда җырлар җырладылар, шигырьләр сөйләделәр һәм биеделәр. Аннары балалар бакчасы тәрбиячеләре тарафыннан иҗади остаханәләр оештырылды. Ата - аналар һәм кунаклар бик актив катнаштылар. Балалар һәм тәрбиячеләр «Армиягә озату» дип исемләнгән театральләштерелгән күренештә үзләренең осталыкларын күрсәттеләр. Җавап сүзе белән чыгыш ясап, оешма җитәкчесе Сафиуллова Римма Гомәр кызы коллективка һәм балаларга бәйрәм өчен рәхмәт белдерде. Балаларга бүләкләр һәм, әлбәттә инде, баллы күчтәнәчләр тапшырды. Кунаклар барлык коллективка иң җылы рәхмәт сүзләрен теләкләр тактасына язып калдырдылар.