12 апрельдә илебез космонавтика көнен билгеләп үтә. Бүген балалар бакчасында барлык яшь төркемнәрендә тематик шөгыльләр узды. Балаларны «Космонавтика көне» бәйрәменең барлыкка килү тарихы белән таныштыру, космос турында белемнәрне киңәйтү һәм баету максатыннан. Балалар зур кызыксыну белән космоска юл тоткан беренче кеше — Юрий Гагарин, кешегә кадәр космоска барып җиткән Белка һәм Стрелка этләре турында хикәяләр тыңладылар, космонавтика үсеше башлангычында торган галимнәр, Кояш системасы планеталары, космоска очу турында күп кызыклы мәгълүмат алдылар. Авырлыксызлыкның нәрсә икәнен уенда җиңелгәннән соң белделәр. Кояш системасы белән таныштылар, планеталарның ничек аталуын белделәр. Космос турында плакатлар ясау, Кояш, планеталар һәм, әлбәттә, космик кораблар ясау, космик күнегүләрдә катнашу, җитезлек һәм тизлек буенча ярышу зур рәхәтлек китерде. Балаларда безнең космонавтлар өчен горурлык хисе, аларга охшарга теләк туды.