Кеше өчен иң кыйммәтлесе-ул сәламәтлек! Балаларыбызга кечкенәдән спорт белән шөгыльләнергә, иртән зарядка ясарга, әти-әниләре белән бергә елның теләсә кайсы вакытында чыныгырга кирәк. Бүген "Сәламәт яшәү рәвеше" декадасы кысаларында балалар бакчасында «Сәламәт булу шәп» девизы астында «Күңелле стартлар» узды. Балаларга мавыктыргыч, кайчагында бик гади булмаган бәйгеләр тәкъдим ителде, анда балалар үзләренең спорт осталыкларын күрсәтә алдылар. Бу көнне, безнең балалар күтәренке кәеф алдылар. "Күңелле стартларда" катнашып, балалар үзләрен зур спорт гаиләсе итеп тоя алдылар! Бәйрәм мавыктыргыч һәм кызыклы булып чыкты, бик күп уңай эмоцияләр һәм тәэсирләр калдырды!