Балалар бакчасында традицион «Сабантуй»бәйрәме узды. Бәйрәмдә барлык балалар да катнашты. Балалар «Эй, дус, чүлмәк сат», «Капчык киеп йөгерү», «Йомырканы кашыкка күчерү», «Аркан тарту», «Ат чабышлары», «Өченче аяк», «Капчык белән көрәш» милли уеннарында үзләренең җитезлекләрен һәм осталыкларын күрсәттеләр. Балалар өчен иң авыры-чүлмәккә ябык күз белән эләгү икән, әмма бу сынауны да алар башкарып чыктылар. Ә аннан соң кунаклар белән җәй венок җыйдылар, әйлән-бәйлән уйнадылар, милли музыка астында биеделәр.