Туган тел һәм Халык бердәмлеге елы кысаларында, татар шагыйре Габдулла Тукайның туган көнендә, Тәтеш шәһәренең «Каенкай» балалар бакчасында тәрбияләнүчеләр Казанның истәлекле урыннары буйлап, аның иҗаты дөньясына мавыктыргыч сәяхәт кылдылар. «Әкият» курчак театрында балалар «Эш беткәч, уйнарга ярый» спектаклен карадылар, «Сәйдәш» концерт залы «Бала һәм күбәләк» җыры белән сөендерде, Г.Камал театрында балалар «Шүрәле» спектакленең өзеген күрделәр. Сәяхәт вакытында балалар Тукай шигырьләрен укыдылар, аның биографиясе белән таныштылар. Барлык артистлар да шагыйрьгә һәм үз тамашачыларына мәхәббәтен биреп, чын күңелдән сөендерделәр.