Балаларны һәм ата-аналарны кошларны саклау буенча практик эшчәнлеккә җәлеп итү, кошларга карата мәхәббәт тәрбияләү, экологик культура тәрбияләү максатыннан, Тәтеш шәһәренең «Каенкай» балалар бакчасы Халыкара кошлар көненә багышланган акциядә катнашты. Өлкән һәм мәктәпкә әзерлек төркемнәрендә тәрбияләнүчеләр, язның беренче хәбәрчеләре турында искә төшереп, кошларга карата сакчыл караш тәрбияләү максатыннан, сыерчыклар тараттылар. Икенче кече һәм урта төркем балалары сыерчык оялары ясадылар. Бу көнне балалар рус халык бәйрәме «Тургайлар»белән таныштылар. Балалар янына Яз килде. Алар җырлар җырладылар, язгы табышмаклар әйттеләр, табышмакларга җавап бирделәр, биеделәр, «Тургай», «Алтын капкалар»халык уеннары уйнадылар. Бәйрәм ахырында «Кошларны саклагыз»дигән флешмоб булды.