Бүген "Березка" мәктәпкәчә белем бирү учреждениесендә Бөтендөнья юл-транспорт һәлакәтләрен искә алу көненә багышланган "Кәгазь торна" акциясе булды. Бу акцияне үткәрергә « Юл хәрәкәте иминлеге» ДБУнең Буа территориаль идарәсенең профилактика бүлеге әйдәп баручы белгече Вахитова Л.И. һәм Тәтеш районы буенча ЭЭМ ЮХИДИ бүлеге инспекторы Волков С. В. булыштылар Балалар машина йөртүчеләргә, ата-аналарга ягымлы сүзләре белән кәгазь торналар бирделәр: "Без бәхет өчен кәгазь торна бирербез һәм сезгә җиңел юл телибез!" диделәр. Пассажирларның, машина йөртүчеләрнең һәм җәяүлеләрнең дөрес тәртибен искә төшерү беркайчан да артык түгел, аеруча бу көнне. Әйдәгез, юлларда фаҗигаләр санын киметү өчен көчебездән килгәннең барысын да эшлик. Без еш юлда йөрүчеләрнең дөрес тәртибен искә төшерүгә юнәлтелгән чаралар үткәрәбез, чөнки бу безнең өчен бик мөһим. Юл хәрәкәте кагыйдәләрен бозганга битараф калмыйк. Әйдәгез, иң мөһим әйберне - тормышыбызны кадерләргә өйрәник!