25 декабрь көнне «Тәтеш шәһәренең» Каенкай» балалар бакчасында «Озын Алан» дәүләти табигать тыюлыгы хезмәткәрләре Сорокина Л. М.һәм Похлебкин Е. Н. «Яшел Чыршы» акциясе кысаларында балалардан үз куллары белән ташландык материалдан ясалган яңа ел бизәнү әйберләре алдылар. Балалар аларны заказниктагы чыршыга элүләрен сорадылар. Заказник хезмәткәрләре балаларга сирәк булган «Татарстанда Җир Хартиясе» китабын бүләк иттеләр, китаптан балалар туган як турында бик күп яңа һәм кызыклы мәгълүмат беләчәкләр. Уртак тырышлык белән генә без туган ягыбызның матурлыгын кечкенәдән сеңдереп саклап кала алачакбыз. Безнең шәһәр халкы балаларның " Туган як табигатен саклагыз!» чакыруына теләп кушылырлар дип өмет итеп калабыз.