Бәйрәмдә Галәветдиновлар, Шәфигуллиннар, Сәйфуллиннар гаиләләре катнашты. Башта гаиләләр "Гаилә герблары"н ясадылар һәм ул гербны якладылар. Аннан соң әтиләр үзләренең солдатта хезмәт итүләре турында сөйләделәр, егетләргә армия сафларында хезмәт итәргә кирәклекне аңлаттылар. Төрледән - төрле кызыклы конкурсларда әтиләр көч сынашты: автомат сүтеп-җыю, ату, салат ясау, бәби коендыру, төрү, моряк биюен башкару һ.б. Әниләр дә читтә калмады, әтиләр турындагы сорауларга җаваплар бирделәр. Гаилә белән бергәләп патриотик темага җырлар башкардылар. Балалар әтиләрне котлап шигырьләр сөйләделәр, җырлар, биюләр башкардылар. Бәйрәм бик күңелле үтте.