“Йомры икмәк” балалар бакчасы  тирәсендә кошлар ашханәсе оешты.  Бу февраль аенда игълан ителгән конкурс нәтиҗәсе. Балалар әти-әниләре белән бергәләп ясаган  20дән артык җимлек алып килде.  Хәзер  нәниләребез  тәрәзә аша да, һава суларга чыккач та кошлар тормышын күзәтә.  Үзләре җим салалар. Шул рәвешле, гади генә чара зур тәрбияви роль үти. Балага табигатькә игътибарлылык, кешелеклелек, тирә-юньдәге җан ияләренә мәрхәмәтлелек хисләре сүзләрдә генә түгел, гамәлдә салына.  Шәхси үрнәк – иң яхшы тәрбия. Чарага битараф булмыйча, конкурска катнашкан әти-әниләр әлеге гыйбарәнең асылын аңлыйлар. Аларга рәхмәтебезне җиткерәбез.