Бүген безнең  балалар  татар халкының иң матур һәм күптән көтелгән бәйрәмнәренең берсе булган Нәүрүзне шатланып каршы алдылар. Кунакка Кыш бабай һәм Нәүрүзбикә килде. Кыш бабай тиз генә Нәүрүзбикәгә бирешергә теләмәде,әмма яз салкын һәм кырыс кышны җиңде. Кыш бабай белән киләсе елга кадәр хушлашып китәргә мәҗбүр булды. Бәйрәмдә балалар бик теләп капчыкларда сикерделәр, кашыкка йомырка салып йөгерделәр, аркан тарттылар, осталык ярыштылар, үзләренең артистлык сәләтләрен күрсәттеләр. Мондый фольклор бәйрәмнәре халыклар арасында дуслыкны сакларга ярдәм итә, милли бәйрәмнәргә, туган телгә мәхәббәт һәм кызыксыну тәрбияли.