Бакчабызда халкыбызның милли бәйрәме - Сабантуй гөрләп узды. Ул көнне иртәдән үк милли көйләр яңгырады.  Мәйданда уен – көлке, җыр-бию, гармун моңы, балаларның шат авазы яңгырап торды. Аркан тартыш, капчык киеп узышу, кашыкка йомырка салып йөгерү, су ташу, “ат чабышы”,  чүлмәк вату, күз бәйләп әйбер кисү уеннарында балалар бик теләп катнаштылар. Бәйрәмгә  "Ел батыры - 2021" килгән иде. Ул балалар белән көч сынашты, күңел ачты. Шулай итеп һәр уен аерым бер кызыклы тамашага әйләнде. Бәйрәмгә килгән һәр бала,  гомумән, барчабыз да ел буена җитәрлек бәйрәм рухы алып таралды.