Уртанчылар төркеме өчен "Кибетче уены" турында конспект (Сагдеева Ф.И.)

Бурычлар:

1) балаларның уенчыклар һәм ашамлыклар турындагы белемнәрен киңәйтү, тәрбияче сорауларына җавап бирү осталыгын формалаштыру, уенчык, ашамлык исемнәрен һәм аларның эш-хәрәкәтен белдерә торган сүзләр хисабына сүз байлыгын арттыру;

2) тыңлауһәм сорауларга җавап бирү теләген үстерү;

3) сөйләм этикетының гади формаларын (исәнләшү, саубуллашу) кулланырга гадәтләндерү, уенчыкларга сакчыл караш тәрбияләү.

Эшчәнлек барышы

Тәрбияче (воспитатель): Исәнмесез, балалар!

Балалар (дети): Исәнмесез.

Тәрбияче (воспитатель): Хәлләрегез ничек?

Балалар (дети): Әйбәт, рәхмәт.

Тәрбияче (воспитатель): Хәлләр әйбәт булгач, әйдәгез, зарядка ясыйбыз: “Исәнләшү” –дип атала

Исәнмесез, күзләр!

Исәнмесез, колаклар!

Исәнмесез, куллар!

Исәнмесез, аяклар!

Күзләр карый,

Колаклар ишетә,

Куллар чәбәкли,

Аяклар тыпырдый.

Тәрбияче (воспитатель): Балалар, әйдәгез, утырыйк әле. Бүген без сезнең белән төрле уеннар уйнарбыз. Беренче тукталышыбыз – “Өй”

1 – “Өй”

Тәрбияче (воспитатель): Бу өйдә дус, тату гаилә яши. Әйдәгез, бергә бу өйдә кемнәр яшәгәнен әйтәбез. Башта мин, аннары чиратлашып сез кабатларсыз. (Активлаштыру.)

Тәрбияче (воспитатель): Бу кем?

Балалар (дети): Əти (əни, бабай, əби, кыз, малай).

Тәрбияче (воспитатель): Əти (əни, бабай, əби,кыз, малай) нинди?

Балалар (дети): Зур (матур, əйбəт).

Тәрбияче (воспитатель): Балалар , өйдә яшәүчеләрне искә төшердек, ә хәзер без сезнең белән кибетләргә сәяхәт итәрбез.

2 – “Уенчыклар кибете”

Балалар (дети): Исәнмесез.

Тәрбияче (воспитатель): Исәнмесез, хәлләрегез ничек?

Балалар (дети): Әйбәт, рәхмәт.

Тәрбияче (воспитатель): Нәрсә кирәк?

Балалар (дети): Туп (курчак, куян, аю).

Тәрбияче (воспитатель): Нинди курчак (туп, куян, аю)?

Балалар (дети): Зур (кечкенә) курчак (туп, куян, аю) кирәк.

Тәрбияче (воспитатель): Мә зур (кечкенә) курчак (туп, куян, аю)

Балалар (дети): Рәхмәт, сау булыгыз!

Тәрбияче (воспитатель): Сау булыгыз!

Тәрбияче (воспитатель): Ә хәзер ашамлыклар кибетенә барабыз.

3 – “Ашамлыклар кибете”

Балалар (дети): Исәнмесез.

Тәрбияче (воспитатель): Исәнмесез, хәлләрегез ничек?

Балалар (дети): Әйбәт, рәхмәт.

Тәрбияче (воспитатель): Нәрсә кирәк?

Балалар (дети): Алма.

Тәрбияче (воспитатель): Нинди алма?

Балалар (дети): Зур (кечкенә), яшел (кызыл) кирәк.

Тәрбияче (воспитатель): Мә зур (кечкенә), яшел (кызыл) алма.

Балалар (дети): Алма тәмле. Рәхмәт, сау булыгыз!

Тәрбияче (воспитатель): Сау булыгыз!

Тәрбияче (воспитатель): Ә хәзер уен уйнап алырбыз.

4 – Дидактик уен «Дөрес итеп сана” («Сосчитай, сколько яблок»)

(Бергəлəшеп алмаларны саныйлар).

5 – Музыкаль уен «Карусель»

Әллә-лә, әллә-лә, карусель әйләнә,

Матур курчак әйләнә.

Зур-зур аю әйләнә,

Кечкенә куян әйләнә.

Әллә-лә, әллә-лә, карусель әйләнә,

Матур курчак әйләнә.

Зур-зур аю әйләнә,

Кечкенә куян әйләнә.