Бүген без бакчабызда татар халкының олы бәйрәмен -  Сабантуен уздырдык. Балалар, тәрбияче апалары белән рәхәтләнеп , күңел ачтылар : матур шигырьләр, җырлар,биюләр башкардылар.Татар халкының күп төрле уеннарын уйнадылар: чүлмәк ватыш, капчык киеп сикерү, кашыкка күкәй куеп йөгерү, сулы чиләкләр белән ярышу. Уйнаганыбызны  күреп, бәйрәмебезгә Хуҗа Насретдин килде.Төрле мәзәкләр сөйләп, балаларны көлдерде. Матур итеп биеп тә күрсәтте! Балаларга күчтәнәчләр таратты.Сабантуйның төп уены- көрәш тә булды. Иң көчле малайларыбыз көрәштә көч сынашып, бүләкләр алдылар. Бәйрәмдә катнашырга, булышырга  әти-әниләр дә килгән иде.Сабантуй бик күңелле булды!