2014 нче елның 22 нче апрелендә Дәрвишләр бистәсе Балалар иҗаты үзәге район күләмендә “Без – Тукай оныклары” бәйгесен уздырды. Апрель аенда узучы бәйге районыбызда инде өченче тапкыр оештырыла. Бәйгедә Совет районы мәктәпләренең 1 нче сыйныфларында укучы малайлар һәм кызлар катнашты.

47, 58, 84, 108, 111, 156,  161, 166, 169, 171, 174, 175, мәктәпләре, 8, 11, 90, 93, 110, 140 нчы гимназия һәм лицей укучылары үзләре белән таныштырдылар, сәләтләрен күрсәтеп, уңышлары белән уртаклаштылар. А.Алишка багышланган интеллектуаль конкурста үзләренең зирәк һәм тапкыр булулары белән жюри әгъзаларын  һәм тамашачыларны шаккаттырдылар.  

Бәйгедә “Гран - при”га  11нче татар гимназиясе укучысы Сафин Булат (укытучысы Халиуллина Н.М.), 90 нчы гимназия укучысы Шайхетдинова Алинә  (укытучысы Назирова Ф.С.) лаек булдылар.  1нче урынны 108 нче мәктәп  укучысы Габдрахманова Камилә (укытучысы Фазлиева Г.М.), 171 нче мәктәп укучысы Борханова Кәримә (укытучысы Бариева Л.И.) бүлештеләр. 2 нче урынга  175 нче мәктәп укучысы Кәлимуллин Гадел (укытучысы Кәлимуллина А.М., Мусина И.Ф.), 8 нче гимназия укучысы Әхмәтҗанова Ралинә (укытучысы Шәрәфиева Г.М., Биктаһирова Р.Ф.), 58 нче мәктәп укучысы Шәвәлиева Элина (укытучысы Госманова А.Ю.) лаек булса,   84  нче мәктәп укучысы Халиева Диләрә (укытучысы Гарифуллин Л.И.), 161 нче мәктәп укучысы Хәсәнов Әмирхан (укытучысы Девятеева Ә.Ә., Хабибуллина К.А.),  174 нче мәктәп укучысы Ахметгалиев Рөстәм (укытучысы Хуснутдинова М.М., Мубаракшина Г.Т.), 169 нчы мәктәп укучысы Сәйфетдинова Газизә (укытучысы Хамидуллина Л.), 93 нче гимназия укучысы Әүхәтшина Дилә (укытучысы Мәхмүтова Л.Д.), 110 нчы лицей укучысы Тимофеев Тимур (укытучысы Шагивалиева Г.Ф.) 3 нче урынны яуладылар. 

      Бәйгедә катнашкан һәм җиңгән укучылар район мәгариф бүлеге дипломнары белән бүләкләнделәр.  Сафин Булатка һәм Шәйхетдинова Алинәгә Җиңүчеләр  кубогы тапшырылды.