3.04.2013 елда  Дәрвишләр бистәсе Балалар иҗаты үзәге Габдулла Тукайның тууына 127 ел тулу уңаеннан, сәләтле балаларны табу, аларның булган сәләтләрен үстерү максатыннан “Милләтемнең кояшы син, и моңлы, нурлы Тукай...” исеме астында бистә күләмендә әдәби иҗат бәйгесе уздырды.

Бәйге кысаларында Г.Тукайның шигырьләрен сәнгатьле уку, шигырьләренә иҗат ителгән җырларын башкару, әсәрләрен сәхнәләштерү, Тукайга һәм аның иҗатына багышлап рәсемнәр, шигырьләр иҗат итү күзәтелде. Г.Тукайның “Туган тел” шигырен ГараеваЧулпан (укытучысы Сафина Р.А.) инглиз телендә башкарып 1нче урынга лаек булса, 2 сыйныф укучысы Зиннәтова Әдилә  (укытучысы Мингазова Н.К.) “Әсәрне сәхнәләштерү” номинациясендә җиңүче булып табылды. 58 нче мәктәптән килгән 2 нче сыйныф укучысы Гусманова Регина (укытучысы Шакурова Г.А.) Г.Тукайга багышлап язган шигырен укып кына калмады, “Тукайны озату” җырын җырлап Гран-при яулады.

БИҮге каршында эшләп килүче “Хыял” әдәби иҗат берәшмәсенә йөрүче 11нче татар гимназиясе егетләре, кызлары (җитәкчеләре Хафизова З.М.) үзләре иҗат иткән шигырьләрен укып хөкемдарларны таң калдырдылар.  СДЮТиЭ каршында эшләүче “Әдәби туган якны өйрәнү” түгәрәгенә йөрүче Сиразиева Резидә, 11нче татар  гимназиясе укучысы Ибрагимова Динара (укытучысы Халиуллина Н.М.) үзләре язган шигырьләрен укып 1 нче урынга лаек булдылар.

“Тукай шигырьләрен уку” номинациясендә 4 нче сыйныф укучысы Абдуллаева Айселгә  (укытучысы Халиуллина Н.М.) тиңнәр табылмады.

    “Яшь рәссам” номинациясендә җиңеп чыккан 101, 141, 11, 140 мәктәп һәм гимназия укучыларының эшләре залны бизәп торды.

    Иҗат бәйгесендә катнашкан һәм җиңгән укучылар дипломнар белән бүләкләнделәр.