Җәйге каникуллар башландымы, укучылар кайсы кая таралышып бетә. Кемдер авылга дәү әнисе янына кунакка кайта, икенче берәү җәйгә вакытлыча эшкә урнаша, кайберәүләр лагерьларны сайлый. Шәһәр шау-шуыннан арынып истә калырлык күңелле итеп  ял итү, дуслар табу өчен лагерьлар менә дигән урын. Мәктәбебезнең бер төркем иң талантлы, иң сәләтле балалары Болгарда “Сәләт” лагерендә ял итеп кайттылар. Анда алар, ял итү белән генә чикләнмичә, төрле мастер-классларда, чараларда катнаштылар, буш вакытларында экскурсиягә йөрделәр. Балалар өчен әлеге лагерь аеруча истәлекле, кадерле булып хәтердә калыр, мөгаен.