Мәктәбебездә бүген "Йолдызлар яктысы" дип аталган иҗади бәйгеләр, фәнни-гамәли конференцияләр, спорт өлкәсендә җиңүчеләрне бүләкләү тантанасы узды. Алдынгы укучыларыбызны котларга килүчеләр арасында Татарстан Республикасының атказанган артисты, Г.Камал исемендәге Татар дәүләт академия театры артисты Фәнис Җиһанша да бар иде. Шулай ук Казан федераль университет галимнәре  олимпиадаларда жиңүче укучыларга грамота һәм бүләкләр тапшырдылар. Балалар үзләренең осталыкларын күрсәттеләр: җырладылар, биеделәр, сәнгатьле итеп шигырь сөйләделәр. Укучылар гына түгел, хөрмәтле укытучыларыбыз да бүләккә ия булдылар. Әлеге бәйрәм һәркемнең күңеленә хуш килде.