Бүген  мәктәбебезнең  укучылардан торган “Сәхнә” дип исемләнгән театр коллективы  “Татар театр коллективлары “ шәһәр конкурсының район этабында уңышлы чыгыш ясап, җиңү яулады һәм шәһәр турына үтте.

Ш.Камалның “Буранда” хикәясе сәхнәгә куелды.  Укучыларның теләп  һәм тамашачы  күңеленә үтеп керерлек итеп уйнаулары жюри әгъзаларының да йөрәкләрен  тетрәндерде. Коллективның җитәкчесе - Ситдикова Розалия Хадиулла кызына, әзерләүче укытучылар-Мөбарәкшина Гүзәл Гарифҗан кызына, Сабирҗанова Фирания Габдрәшид кызына һәм уйнаучы артистларыбыз - Сабирҗанов Аяз Алмаз улына, Исхаков Әсхәт Айрат улына, Галиев Илмир Мансур улына,  Галиева Самира Мансур кызына, Гарфетдинов Рифат Илфат улына, Закиров Илназ Рафил улына, Газизова Гүзәл Альберт кызына, Шәрипова Ләйсән Рөстәм кызына олы рәхмәтләребезне җиткерәбез һәм аларга уңышлар телибез!