Бәйрәмне Камалова Мөнирә Котдус  кызы башлап җибәрде. Ул укучыларны, укытучыларны, килгән кунакларны бәйрәм белән тәбрик итте. Сүзне мәктәбебез директоры  - Звездина А.Я. алды. Ул да  бәйрәм белән котлады һәм бәйрәмне ачык дип белдерде.

Бәйрәм 2нче сыйныф укучылары Хуҗина Алсу һәм Рәхмәтуллина Айгөл  Г.Тукайның “Бала белән Күбәләк” шигыре белән   дәвам итте. Зал гөрләтеп кул чапты.

Бәйрәм кичәсе бик күңелле барды. Укучылар шагыйрьнең төрле елларда иҗат иткән шигырьләрен сәнгатьле итеп сөйләделәр.Ә күңелләргә иң ошаганы  1нче сыйныфында укучы рус төркеме балалары Прескова Екатерина, Перов Никита; 4нче сыйныфытан Кәримова Алсу, Кәримуллина Әдилә, Габайдуллина Раминалар булды.Уйнау осталыклары, үзләрен сәхнәдә иркен тотулары һәр кешедә соклану тудырды. Һәр чыгыш зур осталык белән башкарылды.Чыгышлар барышында тактада презентация барды.Укучылар тыңладылар, тормыш мизгелләреннән күренешләр карадылар. Бәйрәм кичәсенә Су анасы (Галимова Камилла - 4нче сыйныф укучысы), Шүрәле (Тихонова Софья - 4нче сыйныф укучысы) дә килгән иде. Кичә барышында Г.Тукайның “Су анасы” әсәре буенча эшләнгән татарча мультфильм  да күрсәтелде.Балалар аны бик яратып кабул иттеләр.

 Камалова Мөнирә Котдус кызы үткәргән бу бәйрәм бик күңелле булды. Кичә “Туган тел” не хор белән җырлап тәмамланды. Актив укучылар билгеләнде. Кызыклы сораулар ярдәмендә бәйрәмгә нәтиҗәләр ясалды, актив укучыларга  грамоталар тапшырылды.