4нче ноябрь – Халыклар бердәмлеге көне! Без үзебезнең зур илдә – Россиядә яшәвебезне беләбез. Яшькә, дингә, һөнәргә, тормыштагы максатларыбызга карамастан, без илебез язмышы өчен җаваплылык тоеп яшәүче халык.Кешеләргә хезмәттә дә, иҗатта да, гомумән тормышта, үз мөмкинлекләрен гамәлгә ашыра алырлык ышанычлы,имин җәмгыять булуы зарури. Моны без бары тик бердәм, тату булган очракта һәм уртак тырышлык белән генә төзи алабыз.

    Халыклар бердәмлеге көне белән сезне хөрмәтле укытучылар, кадерле әти-әниләр һәм  укучылар! Ныклы сәламәтлек, бәхет-шатлык тулы озын гомер, иминлек, тынычлык телибез!

Газиз кешеләр – хөрмәтле әтиләр! Сезне Әтилэр коне белэн ихлас котлыйбыз.Сезгә алдагы гомер елларыңда тормыш юлларын иминлектә, сау-сәламәт булып, бәхетле көннәрдә, шатлык белән үтәргә язсын! Киләчәктә дә балаларыгызның, оныкларыгызның, кардәш-туганнарыгызның шәфкатьлелеген, мәрхәмәтлелеген, игътибарын һәм ихтирамын тоеп, иминлектә гомер итегез!

Сабыр холык, тынгы белмәс йөрәк,
Уңган куллар — әти куллары.
Әтиемә Ходай гомер бирсен,
Тигез булсын тормыш юллары!

Сәламәт бул, кайгы-хәсрәт күрми,
Гомер көзен тыныч каршыла.
Рәхмәтемне әйтеп, газиз кешем,
Башым иям синең каршыңда!

/Гөлара Шәрипова. “ Әтине туган көн белән котлау”/

Бүген мәктәбебездә туган (татар) телдәге әдәбиятны үз телендә өйрәнүчеләр өчен мәктәп туры олимпиадалары булып үтте. Укучылар бик тырышып биремнәрне үтәделәр, тулы җаваплар белән язарга тырыштылар.Олимпиада биремнәре авыр, катлаулы иде. Укучылар бик тырышып эшләделәр, актив булдылар.

   Хөрмәтле укытучыларыбыз!

  Сезне чын күңелдән һөнәри бәйрәмегез – Укытучылар  көне белән котлыйбыз!

Бүгенге истәлекле көндә барлык педагогларга рәхмәт сүзләре белдерәсе һәм хөрмәт күрсәтәсе килә. Сезнең игътибарлы, таләпчән булуыгыз һәм күңел җылыгыз безнең балаларга сәләтләрен һәм талантларын ачарга ярдәм итә.

Кем генә булмасын, һәрбербезнең тормышында үз Укытучысы булган. Без барыбыз да, барыннан элек, кемнәрнеңдер укучылары, бездә булган яхшы сыйфатлар  зирәк остазларыбыз хезмәте. Чын укытучы – ул белем бирүче генә түгел , ә укучыны шәхес итеп тәрбияләүче дә. Әлбәттә, укытучы хезмәте беркайчан да җиңел түгел. Ул зур түземлелек, даими камилләшү таләп итә. Укытучы – ул һөнәр генә түгел, укытучы булып туарга кирәк!

     Мәктәптә үткәргән һәр көнегез балалар белән аралашудан шатлык китерсен! Укучылар үз белемнәре белән куандырсын, ә мәктәпне тәмамлаучылар туган мәктәпләрен һәм яраткан мөгаллимнәрен онытмасын!

Бүген мәктәбебездә туган (татар) телне үз теле буларак өйрәнүчеләр өчен мәктәп туры олимпиадалары булып үтте. Укучылар бик тырышып биремнәрне үтәделәр, фикерләрен туплап, тулы җаваплар белән эшләрен тулыландырдылар. Биремнәрдә тест өлеше, җөмләләрне тулыландыру эше, кечкенә хикәя төзү биреме дә бар иде.

Бүген мәктәбебездә Татарстан Республикасының  дәүләт (татар) теле төркемендә һәм туган (татар) телне өйрәнүчеләр (рус төркемнәре) өчен мәктәп туры олимпиадалары булып үтте. Укучылар бик тырышып биремнәрне үтәделәр, фикерләрен туплап, тулы җаваплар белән эшләрен тулыландырдылар. Биремнәрдә тест өлеше, җөмләләрне тулыландыру эше, кечкенә хикәя төзү биреме дә бар иде.

1нче октябрь – Халыкара Өлкәннәр көне. Бу бәйрәм барлык өлкән яшьтәге кешеләргә намуслы хезмәтләре, тормыш тәҗрибәләре, игелекләре, зирәклекләре өчен тирән хөрмәт белдерү һәм җылы сүзләр әйтү өчен искиткеч мөмкинлек бирә.

   Хөрмәтле Өлкән буын! Сезне чын күңелдән Халыкара Өлкәннәр көне белән котлыйбыз. Бу көнне сезгә үзебезнең хөрмәтебезне һәм рәхмәтебезне җиткерәбез, Һәрвакыт кадер-хөрмәттә яшәгез, сәламәт булыгыз, һәрчак кадер-хөрмәттә бәхетле яшәгез!

21.09 ученики 10 класса участвовали  во Всероссийском легкоатлетическом забеге «Кросс нации-2024». Массовый забег ежегодно проводится в целях пропаганды физической культуры и спорта, здорового образа жизни среди населения. Среди учащихся 2-4 классов был организован школьный конкурс, посвященный забегу - "Стартуют все!"

С 5 сентября 2024 г. во всех школах Казани стартовала осенняя "Неделя добра". Завершится неделя благотворительными ярмарками.

Приглашаем учащихся нашей школы принять участие в осенней благотворительной ярмарке, которая состоится 12 сентября в 9 часов.

Вырученные деньги пойдут на реабилитацию Хакимова Амира.