Гимназиябездә лагерь балалары өчен Балалар Сабантуе оештырылды. Бүгенге кояшның үтәли кыздыруы да бу көнне беркемне дә куркытмады. Әти-әниләрен, әби-бабайларын кулларыннан җитәкләгән бала-чага тизрәк Сабантуе мәйданына ашыкты. Ә бәйрәм күркәм традиция буенча гореф-гадәтләребезне, йолаларыбызны, тарихыбызны барлаган концерт номерлары    белән башланып китте.   Яшьләребезнең төрле спорт уеннарында, мәдәни чараларда җиңүләре күренешләр, биюләр, җырлар аша чагылыш тапты. Уку алдынгыларына грамоталар тапшырылды. Бәйрәмдә балалар гына түгел, әти-әниләр дә бик теләп катнашты.