1-10 октябрьдә гимназия территориясен чистарту һәм тәртипкә китерү буенча декадник уздырылды. Бу эштә барлык укучылар да актив катнашты. Ата-аналар да ярдәм итте.

1 нче октябрьдә гимназиядә "Олылар көне" билгеләп үтелде. Бәйрәмдә 1990 нчы елларда гимназия директоры булып эшләгән Валиева Наилә Муртазовна, директор урынбасарлары Татьяна Федоровна һәм Венера Шәйхиевна, математика укытучысы Фәйрузә Разаковна, башлангыч сыйныф укытучысы Фәүзия Кәримовна кунакта булды.

1нче октябрьдә гимназиябездә "Имин мәктәп" темасына Хисамиев Илнар Мансурович ачык дәрес күрсәтте.

28 нче сентябрьдә татар теле һәм әдәбияты укытучылары Хафизова З.М., Хәкимуллина Х.Р. җитәкчелегендә 7,8 нче сыйныф укучылары җәлилчеләрнең берсе Абдулла Батталның туганнан туган энесе Фәрит Баттал белән очраштылар. Укучылар Салих һәм Абдулла Батталларның тормыш юлы, иҗатлары буенча бай мәгълүмат алдылар. Гаилә архивыннан фотолар, документлар, Фәрит Батталның Германиягә сәяхәте укучыларда зур кызыксыну уятты. Әдәби кунакханә иҗади хезмәттәшлек шартларында үтте.

25 нче сентябрьдә безнең укучылар "Сделано в Советском" дип аталган күргәзмәне карарга Агропромышленность паркына бардылар.

23 нче сентябрьдә гимназиядә 5-6 нчы сыйныф укучылары белән ГИБДД инспекторы Зиганшина И.М. очрашты.

23 нче сентябрьдә Дәрбишләр бистәсендә С.Галиев исемендәге мәдәният сарае каршындагы скверда фонтаннар эшли башлады.

Бу манзараны ачу бәйрәмендә безнең укучылар да катнашты.

11 нче сентябрьдә гимназиядә  ата-аналар җыелышы булып узды.
Гимназия директоры Ибрагимова Аида Марселевна чыгыш ясады:
 1) Балаларның тормыш иминлеген саклау.
  2) ГТО нормаларын үтәүне кертү.
  3) Вакцинация ясауның кирәклеге.
  4) Гимназиягә керү һәм чыгуны карточка системасына кертү.

4 нче сентябрь көнне гимназиядә эвакуациягә әзерлек тикшерелде һәм ул таләпләргә туры килде.

1 сентябрьдә гимназиябездә "Тынычлык дәресе" үткәрелде. Фотода 7 "б" сыйныфында үткәрелгән сыйныф сәгате.