Бүген лицейда яраткан шагыйрәбез Шәмсия Җиһангирова белән бик эчтәлекле һәм җылы очрашу үтте. Ул - татар дөньясында үзенең тирән мәгънәле шигырьләре, үткен сүзе һәм искиткеч моңлы күңеле белән танылган шәхес. Аның белән очрашу безнең өчен чын бәйрәм булды. Һәр сүзеннән, шигыреннән бөркелгән җылылык күңелебезгә яктылык һәм өмет өстәде. Аның шигырьләре - татар теленең байлыгын һәм матурлыгын күрсәтүче көзге. Туган телебезнең никадәр назлы һәм көчле булуын тагын бер мәртәбә тойдык. Шушы очрашуда катнашкан балаларга, укытучыларга, директорыбызга зур рәхмәтләребезне белдерәбез. Киләчәктә дә иҗади уңышлар телибез!