Бүген бездә Бөтендонья татар хатын-кызларының "Ак калфак" иҗтимагый оешмасының Казан шәһәре бүлеге республикакүләм күчмә утырышы узды. Безнең балалар татар халкының йолаларын, традицияләрен, риваятьләрен сәхнәләштереп күрсәттеләр: ханбикә Сөембикә тарихы, солдат озату йоласы, сабантуй күренеше, исем кушу һәм бәби чәе, каз өмәсе һәм күңелле кичке уеннар. Бөек шәхесләребезнең якты истәлегенә багышлап Ильһам Шакиров һәм Муса Җәлилне искә алдык. Килгән кунагыбыз Рәхимә Минвәлиевна Арсланова да зур бәя бирде бакчабызга. Бакчабызның зур кунагы музыкаль бүләк булып Татарстанның Атказанган артисты, "Салават" җыр-театры артисты Ильфат Васыйх улы Шәехов чыгыш ясады.