Бүген гимназиябездә туган тел һәм әдәбияты укытучыларының "Укучыларның рухи һәм әхлакый үсешен булдыруда белем бирү оешмаларының полилингваль мохит тудыру юнәлешендә заман таләпләренә яраклашуы" дигән темага республика семинары үтте.Укытучылар үзләренең эш тәҗрибәсе белән уртаклашты, мастер-класслар, ачык дәресләр күрсәтте.Килгән кунаклар мәктәбебездә Рәмзия Асатовна җитәкчелегендә эшләүче Хәйдәр Бигичев музеендә экскурсиядә булды.Әлеге музей кунакларга үзенең бай һәм үзенчәлекле экспозицияләре белән бик ошады.Семинар ахырында кунаклар түгәрәк өстәл артында үзләренең хис-кичерешләре, алган тәэсирләре белән уртаклашты, рәхмәт сүзләре җиткерде.