Бөтендөнья “Үлемсез полк” акциясе кысаларында лицей укучылары,  әти-әниләр, укытучылар бергәләшеп, сугыш батырлары фотоларын күтәреп Казан урамнары аша уздылар. 

5 май көнне “Салют, Җиңү” район бәйрәмендә лицей коллективы актив өлеш кертте. “Чемодандагы музей” экспозициясе, “Җыр һәм строй смотры” җиңүчеләре чыгышында 5, 6, 10 сыйныф командалары, бәйрәм прологының “Көтү”, “Сугыш” композицияләрендә 8 сыйныф укучылары,  “Үлемсез полк” акциясе сафларында 6 һәм 7 сыйныф укучылары чыгыш ясады.

5 май көнне укучыларны патриотик рухта тәрбияләү, 1941-1945 елардагы Бөек Ватан сугышында Җиңүнең 72 еллыгына багышланган бәйрәм чараларында катнашу  максатыннан 5-11 сыйныф укучылары өчен “Георгиевская лента” викторинасы уздырылды.

26 нчы апрель - бөек шагыйребез Г.Тукай туган көн. Бу көн татар милләте өчен зур бәйрәм. 149 нчы лицей укучылары да олылап Тукаебызны искә ала. “Йөрәкләрдә, телләрдә мәңгелек Тукай” дип аталган шигырь сөйләүчеләр бәйгесенең шәһәр турында җиңеп чыгучы укучыларыбыз Милли музейда Тукайга багышланган шигырь бәйрәмендә чыгыш ясадылар. Котлыйбыз җиңүчеләрне!

Лицейда  Г.Тукай айлыгы планы нигезендә    “Шигырь бәйрәме” үтте. Һәр сыйныфтан иң  матур шигырь  сөйләүче катнашты.  Алар арасында  шәһәркүләм    «Илебездә, телебездә,күңелләрдә Г.Тукай мәңгелек»  бәйгесендә 1нче дәрәҗә лауреат булган укучыларыбыз :  Низамов  Ильяс (1сыйныф), 2 нче дәрәҗә  лауреат  Даминов  Ришат (3 сыйныф), Каюмова Камилла (7сыйныф) чыгыш ясады. Бәйрәм, Г.Тукайның  “Туган тел” җыры белән тәмамланды.

   Лицеебызның 7в сыйныфы укучылары  (Мингалимова Г.Р.- сыйныф  җитәкчесе)  Бауман урамында оештырылган “Мин татарча сөйләшәм” акциясендә катнаштылар. Анда оештырылган төрле уен, бәйгеләрдә катнашып кайттылар. Бу бәйгенең бик кирәкле булуын һәм анда катнашулары белән горурлануларын  белдерделәр.

20 нче апрель көнне лицеебызда "Татар моңы" фестивале булып узды. Татар халык җырларын укучыларыбыз бик матур итеп җырладылар.

Юные музееведы нашего лицея.