В нашем детском саду прошла неделя, посвященная здоровью. Итоговым мероприятием этой недели было приход врача-стоматолога, который подробно рассказал о том как важно и нужно следить за здоровьем зубов.

Апрель ае – Тукай ае. Апрель безгә татар халкының бөек шагыйре Габдулла Тукайны бүләк итте. Быел бөтен республикабыз җәмәгатьчелеге аның тууына 131 ел тулуны зурлап билгеләп үтте.Безнең 124 нче балалар бакчасы да читтә калмады. Апрель буе без Габдулла Тукай турында аеруча күп сөйләштек, аның шигырьләрен, әкиятләрен укыдык, яттан өйрәндек, җырларын җырладык, рәсемнәр, төрле кызыклы эшләнмәләр ясадык.

Айның соңгы атнасы Тукай атналыгы дип игълан ителде. Шушы атналык кысаларында татар телендә шигырь укучылар бәйгесе үткәрдек. Зур кунаклар да чакырдык. Татарстанның халык язучысы, ТР ның Г. Тукай исемендәге Дәүләт бүләге иясе Гәрәй Рәхим, Татарстанның атказанган артисты, күренекле кинорежиссёр Нурания Җамали, Казан шәһәр филармониясе солисты Рөстәм Насыйбуллинның чыгышлары нур өстенә нур булды.

Аннан бакчабызга йөрүче балалар, берсен-берсе уздырып,  татар шагыйрьләренең шигырьләрен яттан укыдылар. Ә бәйгене компетентлы жюри бәяләде. Шунысы күңелле – бу бәйрәмдә әниләр дә, тәрбиячеләр дә бик теләп катнаштылар. Җиңүчеләргә Рәхмәт хатлары, грамоталар һәм бүләкләр тапшырылды.

  Без бердәм булдык! Без булдырдык!