«Чемодандагы әкиятләр» проекты — ул татар халык авыз иҗатын саклау һәм популярлаштыруга юнәлтелгән мобильләштерелгән, яңача алым. Аның төп идеясе — борынгы чемоданны интерактив мәйданчык итеп кулланып, балаларны һәм өлкәннәрне татар әкиятләре дөньясына җәлеп итү. Проектны гамәлгә ашыру кысаларында бакчабызның тәрбияләнүчеләре  һәм әти- әниләре белән Абдулла Алишның “Чукмар белән Тукмар” әкиятенә чемодан эшләнде. Чемоданны эшләү дәверендә үзара аралашу, сүзлек байлыгын арттыру, балалар белән тыгыз мөнәсәбәт булдырылды. Ә бу исә, үз чиратында “Бала - әти – әни – балалар бакчасы” чылбырының тыгыз эшләвенә китерде. Балалар геройларны әкияттән генә укып белмиләр, ә үз куллары белән аны тудырду өстендә эшләделәр. Ә инде әкиятне җанландыру балалар өчен гаҗәеп кызыклы күренеш булып тора.