В преддверии 80-летия Победы Великой Отечественной войне в МБДОУ «Сарайлинский детский сад» оформлена тематическая выставка “Память поколений”.

Саф һавада иртәнге гимнастика – бала организмының хәләти үсешенә булыша. 

Кисеп ябыштыру белән шөгыльләнү баланың иҗади сәләтләрен үстерергә ярдәм итә,аның күзаллауларын киңәйтә,бармак хәрәкәтләрен яхшырта. Кисеп ябыштырганда бала предметның формасын,төсен тизрәк истә калдыра,ябыштыру процессы баланың төгәллеген,пөхтәлеген үстерә.Буген балалар газиз җир шарыбызны кисеп ябыштырдылар.Бу шөгыль аларга бик ошады.

Саф һавада балалар күп уйныйлар, хәрәкәт итәләр. Хәрәкәт итү матдәләр алмашын, кан әйләнешен тәэмин итә, аппетитны үстерә.

Саф һавада булу акыл үсеше өчен дә файдалы.  Күзәтүләргә нигезләнеп балаларның танып белү даирәсе камилләшә, кызыксынучанлык, иҗадилык формалаша. 

 Балалар  уйнарга чыккач, күзәтүләр ярдәмендә агач һәм куакларның исемнәрен өйрәнәләр.

Мухаметова Ләйлә белән Набиев Савелий "Җырлы балачак илендә" уңышлы чыгыш ясадылар. Афәриннәр!

7 нче апрель-Бөтендөнья сәламәтлек көне. Бөтендөнья сәламәтлек көне- үз сәламәтлегенә битараф булмаган һәр кешенең шәхси бәйрәме! Безнең иртәбез гимнастикадан башлана. Зарядка даими эш булып тора. Дәрт, энергия, шатлык белән тулыландыра, шуңа күрә иртәнге гимнастиканы  тикмәгә генә"зарядка"  дип  атамыйлар.

Санитар икеайлык кысаларында территорияне җыештыра башладык.

2 нче апрель- Халыкара балалар китабы көне. Китап- безнең тормышта киңәшче дә, ярдәмче дә, уйландыручы да, дөреслеккә юл күрсәтүче дә. Бөтендөнья балалары яратып укый торган әкиятләр авторы Ганс Христиан Андерсенның тууына 220 ел. Шул уңайдан Сарайлы нәниләре китапханәдә кунакта булдылар. Роза Әзбәр кызы балаларны авторның кызыклы китаплары белән таныштырды, әкиятләр укыды

1 нче апрель-Халыкара     кошлар көне. Экологиягә багышланган әлеге бәйрәм уңаеннан, Сарайлы балалар бакчасында тематик эшчәнлек үткәрелде. Балалар презентация карап кызыклы мәгълүмат белән таныштылар. Кошлар җырын тыңлап, аларны тавышлары буенча аерырга өйрәнделәр. Соңыннан бик теләп кошларны буядылар.

Нәүрүз-язны каршылап, язгы чәчү эшләре алдыннан үткәрелә торган халык бәйрәме ул. Бу бәйрәмнең төп хуҗасы-Нәүрүзбикә. Буген бакчабызда Нәүрүзне каршы алдык. Балалар уйнадылар, җырладылар, күңел ачтылар. Соңыннан бәйрәм коймагы  белән сыйландылар.