"Сандугач" балалар бакчасында юл хәрәкәте кагыйдәләренә нигезләнгән "Гаиләгә – төп юл!" исемле бәйге узды.  Бәйге ДБУ Сарман бүлеге «Юл хәрәкәте иминлеге» һәм Сарман районы мәгариф бүлеге тарафыннан үткәрелде. Бәйгедә Сарманның дурт балалар бакчасыннан  биш гаилә катнашты. Гаиләләр 6 төрле сынау үттеләр: үз-үзең белән таныштыру, балалар өчен конкурс, әтиләрнең физик әзерлекләрен тикшерү, кызыклы викторина, «Юлда актуаль кием», «Иҗади өй эше» кебек ярышлар кызыклы, мавыктыргыч формада узды. Нәтиҗәдә «Ләйсән » балалар бакчасыннан Фатхуллиннар гаиләсе беренче дәрәҗәдәге дипломга лаек булды, калган гаиләләр төрле номинациядә җиңүче исеме яуладылар. Һәрбер катнашучыга грамоталар һәм истәлекле бүләкләр тапшырылды.