15 нче февраль - Совет гаскәрләренең Әфганстаннан чыгарылган көне. 1989 нчы елдан башлап бу көн илебездә Әфганчылар көне буларак билгеләп үтелә. Шул уңайдан районыбыз мәктәпләрендә укучылар өчен “Әфганстан-йөрәк ярасы” исемле информацион сәгатьләр уздырылды. Әфганстан җирендә хәрби бурычын үтәп кайткан райондашлар турында тирән эчтәлекле мәгълүмат бирелде, алар белән очрашулар узды. Ватанга тугрылык үрнәге күрсәткән батыр егетләребез белән чиксез горурланабыз. Аларның хәрби бурычка тугрылыгы, каһарманлыгы яшь буын өчен матур өлге булып тора.