Ленинград өчен барган дәһшәтле сугышның тәмамлануына бүген 78 ел. Анда яшәүчеләр өчен  бу үлем исе аңкып торган  иң авыр  872 көн була. Ленинградның тиңдәшсез батырлыгы  тарихка халыкның гаҗәеп кыюлыгы һәм геройлыгы эпопеясы булып  кереп калды. Шушы уңайдан район мәктәпләрендә класс сәгатьләре, "Блокада ипие" исемле хәтер дәресләре узды. Бүгенге көннәрнең ямен, икмәкнең кадерен белергә өйрәтүче әлеге чараларның киләчәк буынга патриотик тәрбия бирүдә роле бик зур.