Бүген Татарстан Республикасы Дәүләт Советының Кече залында Татарстан Республикасы Мәгариф һәм фән министрлыгы тарафыннан «Туган (татар, чуваш, удмурт, мари, мордва) телдә белем һәм тәрбия бирүне оештыра торган иң яхшы балалар бакчасы» республика конкурсына йомгак ясалды . Чарада Татарстан Республикасы Президенты каршындагы татар телен саклау һәм үстерү мәсьәләләре комиссиясе рәисе, Татарстан Республикасы Дәүләт Советы Рәисе урынбасары М.Г. Әхмәтов һәм Татарстан Республикасы Мәгариф һәм фән министры И.Г. Һадиуллин катнашты.

Конкурсның максаты - туган телдә белем һәм тәрбия бирүнең сыйфатын күтәрүне стимуллаштыру, әлеге эшчәнлек юнәлеше буенча гомуми белем бирү оешмалары эшенең уңай тәҗрибәсен тарату.  Республика конкурсында катнашу өчен 104 гариза кергән.

Конкурсның эксперт комиссиясе иң яхшы нәтиҗәне күрсәткән мәгариф оешмалары арасында җиңүчеләрне билгеләде. 20 балалар бакчасы  арасында 500 000 сумлык премиягә лаек дип, Сарман  үзәгендә урнашкан  2 нче санлы  «Лилия» балалар бакчасы табылды. «Лилия» балалар бакчасы коллективын зур җиңүе белән котлыйбыз, киләчәктә дә уңышлар телибез!