“Мин татарча сөйләшәм” республикакүләм акциясе кысаларында “Сарман урта гомуми белем бирү мәктәбе” укучылары район мәгариф бүлегенә экскурсия ясадылар.  Әлеге акциянең төп максаты булып, яшь буында татар телен өйрәнүгә кызыксыну уяту; кибеттә, урамда һәм башка урыннарда татарча сөйләшергә өндәү һәм татар теленең  куланылу даирәсен киңәйтү тора.

Акциядә катнашучылар бәйрәм тарихына тукталдылар, туган телнең бөеклегенә басым ясадылар. Методистлар арасында “Ромашка" уенын уйнатып алдылар. Туган тел турында шигырьләр сөйләнде, “Туган тел” җырын  бергәләп башкарылды.