Нәүрүз – язны каршылап, язгы чәчү эшләре алдыннан үткәрелә торган халык бәйрәме . Нәүрүз бәйрәме – ул игелек, дуслык бәйрәме. Бу гүзәл, язгы бәйрәм көнендә кешеләр бер-берсенә кунакка йөриләр, бер-берсенәбулган үпкәләрен оныталар, җырлыйлар, бииләр, рәхәтләнеп күңелачалар. Бу бәйрәмнең хуҗасы - Нәүрүзбикә.Тик Убырлы карчыгы гына  бакчага Нәүрүзбикә килмәсен дип, аны урлап алып китеп, бикләп куйган. Ә ачкычын сихерле яулыкка бәйләгән. Ләкин балалар  бик батыр булдылар, матур җырлар җырлап, күңелле уеннар уйнап, шигырьләр сөйләп сихерле яулыкны чишә алдылар. Убырлы җиңелде һәм Нәүрүз гүзәлен азат итте. Нәүрүзбикә балаларга рәхмәт әйтеп, аларны тәмле коймаклар белән сыйлады. Шулай итеп, бәйрәмгә килгән бар халык күңел ачып рәхәтләнеп ял итте.