Көзге каникуллар булуга карамастан, Сарманның «Ялкын» картинг-клубына йөрүче укучы егетләр бүген, ЮХИДИ хезмәткәрләренә булышып, махсус рейдка чыктылар. Сарман урта мәктәбендә укучы Артур, Алмаз, Илназ, Ислам, Артем, Сарман гимназиясеннән Артур һәм Ислам үзләренә йөкләнгән эшне зур тырышлык белән башкардылар. ЮХИДИ инспекторы Руслан Сәитов автотранспорт йөртүчеләрне туктатып торды, ә балалар алар белән юл иминлеге турында әңгәмә кордылар, хәерле юллар теләп, шоферларга махсус буклетлар тапшырдылар. Шоферлар да балаларга укуларында унышлар, юл кагыйдәләрен яхшы белүне теләделәр.