Р.Н. Миңнеханов 2023 елны Татарстанда милли мәдәниятләр һәм гореф-гадәтләр елы дип игълан итте. «Татарстан халкы бай тарихи-мәдәни мираска ия. Рухи кыйммәтләрне саклау һәм ныгыту, борынгы милли гореф-гадәтләрне, шулай ук Россия халыкларының мәдәни мирас елын дәвам итүне игътибарга алып, 2023 елны республикада милли мәдәниятләр һәм гореф-гадәтләр елы дип игълан итәм», - дип белдерде Рөстәм Миңнеханов.

Татарстан Президенты билгеләп үткәнчә, гасырлык традицияләрне саклаучы һәрвакытта да  ныклы гаилә булган һәм шулай булып кала да. «Ныклы гаилә – буыннар арасындагы җепне бәйләүче көчле дәүләтнең нигезе, туучылар санын арттыру һәм демография үсешенең мөһим өлеше. Татарстанда дистәләгән мең искиткеч гаилә яши. Алар алтын һәм бриллиант туйларын билгеләп үткән парлар, күп балалы гаиләләр, тәрбиягә бала алган гаиләләр, иҗади һәм спорт династияләре. Традицион гаилә кыйммәтләрен, җаваплы ата-аналыкны, күп балалыкны, зур ныклы гаиләләрнең уңай тормыш тәҗрибәсен киң трансляцияләүне тәэмин итү – безнең төп бурычыбыз», - дип ассызыклады Рөстәм Миңнеханов