Антинаркотик айлык кысаларында мәктәпнең 5-9 классукучылары өчен “Рухыбыз сәламәт булсын” исемле телдән журнал үткәрелде.Аның 1 нче бите “Җаны фәкыйрь кешегә байлыгы да рәхәтлек китермәс” дип аталды. Әлеге темага чыгыш ясаучы Күтәмәле авылы имам хатибы Ринат хәзрәт Әхмәтбаев дөньяви һәм дини белемнәрнең кеше тормышындагы әһәмиятенә тукталды, балаларга рухи һәм иман байлыгы төшенчәсен аңлатты.

Журналның 2 нче бите “Тарихтан гыйбрәт алыйк” дип аталды. Мәктәпнең  тәрбия эшләре буенча директор урынбасары Шарипова Г.М. балалар белән  вакыт нигъмәте турында әңгәмә корды, аны файдалы үткәрергә, тик йөреп әрәм-шәрәм итмәскә, кадерен белергә чакырды, кешелек трихыннан уңай һәм тискәре мисаллар китерде.

    Җурналның 3 нче бите “Яшьләрдә субкультура күренешләре” дип аталды. Күтәмәле авылы китапханәсе мөдире Хөснуллина Г.М. яшьләрнең төрле группировкаларга тартылу сәбәпләрен ачты, төрле субкультура вәкилләренең (готлар, ниферлар, скинхедлар, байкерлар, рэпперлар, брейкерлар һ.б.) яшәү рәвеше хакында мәгълүмат бирде, аларга, гадәттә  психик травма алган, гаиләдә җылылык җитмәгән үсмерләрнең күбрәк эләгүе хакында сөйләде. Ул балаларга бәхетле тормыш теләде, бәхет акычын аң-белем алудан, дөрес итеп яшәүдән эзләргә кирәклеген төшендерде.

     Чара өчен “Ислам-яшәү чыганагы”, “Әхлаклылык – милләт сәламәтлеге нигезе”, “Иманлы кеше – бәхетле кеше” исемле китап күргәзмәләре оештырылды. Аларга күзәтүне китапханәчеләр Гөлфирә Хөснуллина һәм Гөлүсә Шәрипова ясадылар.